لـعـبـة ـآ‘لـمـارٍاثـوٍن ـآ‘لـخـيـرٍي

بـسـم الله ـآ‘لـرٍحـمـن ـآ‘لـرٍحـيـٍم

وٍـآ‘لـصلآة وٍـآ‘لــسـلآم عـلـي أشـرٍف خـلـق الله سـيـد وٍلـد آدم محمد وٍعـلـي آلـه وٍـآصـحـابـه ـآجـمـعـيـن ..

كلنا طبعاً بندخل النت يومياً ما بين شات وداونلود ومشاهدة =====خطب إسلامية أو اخبار ..... إلخ



يعني متنكرش بقي إنك مبتدخلش يوميا ماشي عشان تهرب من الماراثون دة

الماراثون الخيري دة عبارة عن لعبة وتعارف انا هنزلها فى كل المنتديات المشتركة فيها وانتو كمان لو تحبوا تنقلوها وتلعبوها فى منتديات أخري اوكي بس طبعاً حقوق النشر محفوظة ...

إحنا كل يوم ندخل التوبيك دة نقول معلومات عننا ونتعرف ونعمل صداقات ونتصاحب فى الخير ان شاء الله


كل الى هيشترك في اللعبة لازم يقع تحت شرط مهم جداً إيه الشرط دة بقي هقولكم أهو :-

الشرط إننا كل يوم نعمل حاجة لوجه الله الكريم أى شئ خير زي صدقة مثلا تتصدق بيها لمسكين أو جار محتاج ...

أو تنشر موضوع مثلاً ديني جامد يفيدنا ندخل نشوفه ونقيمه أو تقدم نصيحة أو تضحك فى وش أخوك أو تقول كلمة حلوة أو تزور مريض مش لازم يبقي قريب لينا زيارة المريض برضو ماهي صدقة أو نروح ملجأ أيتام مثلاً نقضي يوم معاهم مش ضروري يعني بفلوس هات بس شوية لبان علي مصاصة حاجات كلها مش هتيجي بشوية جنيهات بس هتفرق بقي وجودك معاهم وإهتمامك بيهم .....

اممممم أو أي حاجة خير بقي طبعا كلنا عارفين الأعمال الخيريه كتير

المهم كل واحد فى يومه يعمل حاجة خير ويجي يحكيلنا بقي الموقف من طأ طأ للسلام عليكم بالتفصيل المومل ونشوف مين كان عمله أكبر من التاني وهنتنافس في اللعبة دي وفى ذلك فليتنافس المؤمنين طبعا بعيد عن النفسنه والحاجات بقي الغامقة الى جوا دي

** مطلوب من مشرف القسم الإسلامي إنو يثبت التوبيك دة ويكون هو الحكم فى اللعبه والمشرف عليها

عايزين تفاعل بقي مش ندخل نقرأ ومنردش ولا نهتم دول بس خمس دقايق من وقتكم الثمين


يلا مين هيبدأ ويعرفنا بنفسه وبالخير الى عملوا انهاردة .... هااا مين ...؟

السلام عليكم

اختي الحبيبة دعوتك هذه جميلة
جعلها الله في ميزان حسناتك لكن
فعل الخيرات من الاحسن انه يكون بين العبد وربه
ولا يخبر به احد حتى لا نقع في الرياء و النفاق و العياد بالله

كما أنه في أول الموضوع اشرتي الى انه هناك من يتجول على النت حتى يشاهد افلام أو يسمع اغاني
و الاشياء دي اشياء محرمة فالواجب ان نبتعد عنها

و جزاك الله خيرا على مبادرتك الطيبة