طبق مهلبية لوزير المالية !!
كنت أمشى فى منطقة شعبية لفت نظرى خلو المنطقة من المارة تماماً تعجبت وفرحت لهذا الهدوء ،وجدت قهوة جلست عليها ،لم أجد فيها زبوناً واحداً ،صفقت للجرسون جاء مسرعاً ،تأملنى بنظرات مريبة لم أفهم معناها أو مغزاها ،طلبت "واحد شاى وصلحه" وضعت ساقاً على ساق وأنا سعيد ، أخيراً القاهرة بقت فاضية ورايقة وهادية ،فجأة وقف بوكس .قصدى سيارة حكومية . فيها حوالى 20 شخصاً شكلهم كالمخبرين ،
قال : رخصة الجلوس على القهوة ..
قلت له : يا سلام وده من امتى ؟؟
قلت له : ومنين أجيب الرخصة دى ؟؟
قال : من الحى التابع ليه وتعتمدها من المحافظة وتختمها من المباحث وجهة عملك ...
قلت له : فى الحقيقة ما كنتش أعرف أنت بتتكلم جد؟؟
قال بحدة : أنت هاتستهبل يا إما الرخصة يا إما نجرجرك للنيابة وتتحبس أو تخرج بكفالة ...
قلت له :يا ستار يارب ..مفيش اختيارات تانية
قال بلهجة أكثر حدة : إدفع ضريبة غرامة 100 جنيه
قلت ومغلوب على امرى : من عينى حاضر ،،،
دفعت لأشترى بهدلتى وعلى رأى أمى "هين قرشك ولا تهين نفسك "
قال : هات كمان 50 جنيهاً ضريبة ألاطة علشان كنت حاطط رجل على رجل ..
مشيت أكلم نفسى لم أجد شخصاً واحداً فى الشارع فجاء بوكس تانى
وقالوا لى : فين تصريح المشى فى الشارع ؟؟
قولت لهم : تصريح مشى ؟؟!!!!
قالوا : أيوه ..أنت مش بتستهلك الأسفلت والرصيف وبتشم هوا وبتتفرج على مناظر كل ده ببلاش ..........نهايته يا إما 200 جنيه ضريبة أو النيابة
قولت لهم : حاااااضر ..اتفضلوا
قلت لنفسى أحسن حاجة أقعد فى البيت وما أخرجش ..
طاخ طاخ طاخ ........خبط عنيف على الباب : افتح يا مجرم افتح يا منحرف افتح يا متهرب ..........
يا ستار يا رب أنا عملت جريمة ولا ايه....
قالوا :فين ضريبة الجلوس فى البيت
قولت لهم : ايه ؟؟ ليه؟؟!!
قالوا : مش أنت قاعد فى البيت ؟؟
قالوا : يعنى مرتاح ومبسوط وفى رفاهية ولا تعمل ولا تنتج والبلد موفرة لك الامن والأمان والسعادة ..ادفع بالتى أحسن يا إما تتبهدل
بعض الافكار المهلبية أهديها للغالى وزير المالية ..بمناسبة قانون الضرائب العقارية !!!!!!!!!!!!!!!!!!!!!!!!!!!!
الجنس
العمل/الترفيه
المزاج
اوسمه العضوة
السبت فبراير 19, 2011 1:04 pm