طريقة عمل الجبنة البيضاء

طريقة عمل الجبنه البيضاء

---

[ندعوك للتسجيل في المنتدى أو التعريف بنفسك لمعاينة هذا الرابط] المقادير
1 كيلو لبن سايب .. ملحوظه هامه لبن الشتاء احلى من لبن الصيف و بينتج جبنه اكتر
تلت ملعقه منفحه سائله و ملعقه صغيره خل
مكعب تلج
ملح حسب الرغبه
قرن فلفل حامى

الطريقه
فى اناء معقم يسخن اللبن حتى درجه 40 [ فاتر تقدرى تتحملى حرارته لو وضعتى اصبعك فيه ]
فى طبق خارجى اذيبى مكعب التلج فى تلت ملعقه المنفحه
و نزليهم فى اللبن و قلبى كويس جدا و غطيه... و حطيه فى الفرن و معاه حله ميه سخنه
و بعد ساعه كده افتحى و اضغطى عليه بايديك ..هتلاقيه لازم يكون تجمد
بالسكينه اقطعى فى عمق القالب و هو فى الاناء على شكل خطوط متقاطعه و سيبيه قد 5 دقايق هتلاحظى ظهور اثر لمياه.
افرشى دانتيل او قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحت حتى تتلقى السائل
هذا السائل او الشرش ممكن تعملى بيه حاجات كتير [ عملت بيه كيك وعملت بيه بشاميل كمان ] هنستخدمه لعمل محلول ملحى نخلل و نحفظ فيه الجبنه
السائل ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما
بعد ساعتين كده هتتصفى كل المياه من الجبنه و الوقت بيتوقف على مدى مساميه قطعه القماش اللى استخدمناها
طبعا فى معدات تانيه خاصه زى "السده" و الحصر و الباقوطى
ناخد الجبنه و نحط عليها ملح و نسيبها فى التلاجه ليله من غير غطاء
تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج و هو ساخن على الجبنه و تحفظ بالتلاجه
بعد ما تبرد.. و انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل

يعطيك العافية يا جميل
طريقة حلوة والطعم أكيد حيكون احلى
عشان احلى الحلوات هي الي عملتها

:\

الله يبارك فيكى يامى

دايما جابرة خاطرى يارب خليكى ياقمر

اشكرك حبيبتى نوفا

نورتى ياقمرى