طبق متميز₪الاكله الشعبيه الأولى فى مصر الكشرى بالصلصه والدقه من مطبخ نور الهدى

زائر

السلام عليكم ورحمه الله وبركاته
عملت امبارح كشرى وده طبعا اشهر اكله شعبيه فى مصر ويأتى فى مقدمه الاكلات الشعبيه وبتتفنن المطاعم المصريه فى تقديمه وطبعا اغلب الاخوات بيعرفوا يعملوه
لكن النهارده جيبالكم نفس طريقه مطعم ابو طارق اللى فى وسط البلد
اكيد اغلب المصريات يعرفوه ودى طريقته قالتلى عليها جارتى وهى اخت صاحب المحل
ويمكن تتشابه الطريقه مع طريقتكم
تعالو نشوف
اولا مقادير الكشرى
2 كوب ارز مصرى
1 كوب عدس اسمر (ابو جبه )
كوب مكرونه صغيره واسباجيتى
كوب شعيريه
نصف كوب حمص
1 كوب زيت ذره
3 حبه بصل مقطعه جوانح
مقادير الصلصه
عصير اربع حبات طماطم معصوره ومصفاه
2 ملعقه كبيره معجون الطماطم
3 فصوص ثوم مفروم
بصله مقطعه مكعبات صغيره جدا
كمون
ملعقه خل(مهم جدا )
مقادير الدقه
كوب ماء
ملعقه طعام كبيره ثوم مفروم
ملعقه كمون
ربع كوب عصير ليمون
ملعقه خل
ملح
الطريقه

بدايه ناخذ البصل المقطع جوانح ونضع عليه نصف ملعقه ملح ونقلب ونتركه عشر
دقائق

نشطفه بالماء حتى نتخلص من الملح ونضعه فى حله الطبخ و بها كوب الزيت ونحمره
(فكره وضع الملح حتى تكون التقليه مقرمشه)

نخرجه على ورق المطبخ ونتركه جانبا

وفى نفس الزيت نقوم بتحمير الشعيريه

وبعد التحمير نخرجها ايضا على ورق المطبخ ونتركها جانبا

وفى نفس الزيت نضيف حوالى 2 كوب ماء وملعقه كبيره كمون ونتركه يغلى ونضيف العدس
بعد تنقيته وغسله جيدا
شوفو اخواتى
انا طريقتى بغلق الحله باحكام واتركه يغلى ربع ساعه واطفى النار تماما واتركه ربع ساعه اخرى بدون ما افتح عليه
وبعدها افتح عليه بيكون نضج نصف نضوج فقط لانه سيكمل نضجه مع الارز

وفى هذا الوقت واثناء عمل العدس نسلق المكرونه

ونصفيها من الماء ونضع عليها ملعقه زيت ونتركها جانبا

وهنا يكون العدس نضج نصف نضوج نضيف الارز والشعريه ونقلب

نقوم بوضع الملح ونتذوق على حسب الرغبه

ولو المقدار يحتاج للماء نضيف ولو الماء كثير عليه يبقى نتخلص من بعض الماء

ونترك الحله عالنار الى ان ينضج الارز

نقوم بعمل الصلصه
نحمس البصله المكعبات فى الزيت مع الثوم المفروم وعندما يتحولوا للون الذهبى

نضيف عصير الطماطم ومعجون الطماطم
ونتركه يغلى وبعدها نضيف الملح والكمون والخل اللى بيعطى طعم مميز للصلصه

ونعمل الدقه
نضع فى طبق الثوم المفروم

ونضيف الماء والخل والكمون وعصير الليمون والملح وفى ناس بتضيف فلفل اخضر حامى ده اختيارى
ونقلب

وده احلى طبق كشرى ووضعت الصلصه والدقه فى اطباق جانبيه بس للاسف الصوره اتمسحت
يارب يعجبكم

ولاتنسونى من صالح الدعاء

زائر

مفيش ولا رد

[ندعوك للتسجيل في المنتدى أو التعريف بنفسك لمعاينة هذه الصورة]

يااااااااااااااااااااااااسلام على الكشرى مش بحبه هههههههههههههه

زائر

» الكشرى المصرى
» من اجل طفل متميز **اجمل البرامج**
» مرايل مطبخ كوروشيه