طريقتى فى تنضيف السجادة ... واااااااو

بصوا يا احلى اخوات
كلنا بنعانى وقت غسيل السجاد من الدعك طبعا وهدة الحيل من التنضيف
وفيه كتير بيقصر ويبعت للمغسلة او يجيب حد يغسلهم
طيب ليه من الاول مش نحافظ على نضافة السجادة اول باول
بمعنى اننا نيجى وقت غسيلها منتعبش اوى وتنضف باقل مجهود
طيب ازااااااااااى؟

اقولكوا يا حبايبى
مبدئيا لازم تتكنس كل يوم بالمكنسة وممكن اكتر من مرة لو عندك اطفال وماشيين ينطوروا فتافيت (مش القناة ركزى معايا) فى الارض
بس طبعا المكنسة مش كفاية لانها بتشيل الطبقة السطحية من تراب وفتافيت وغيره
مش بتجيب الوبرة وتشيل الشعر اللى بيقع مننا على السجادة
طيب نكمل تنضيف السجادة بايه؟

بصوا يوم فى الاسبوع حتى كفاية
تجيبى جردل صغير او اى حاجة بلاستيك فيها شوية اريال صغيرة على داك بريحة الزهور جميل او ديتول اللى يريحك وشوية خل مش كتير وشوية ميه (ممكن شامبو سجاد بدل الاريال والمطهر)
وفرشاة البلاط او اى فرشة خشنة ويكون ليها ايد بس مش مقشة طبعا عشان تعرفى تتحكمى فيها بايدك
وبعد ما تكنسى السجادة كويس تيجى بالفرشة تبليها فى الجردل ده وتنطرى الميه على السجادة وبعكس اتجاه الوبرة وكانك بتسرحى السجادة
فى الاول دراعك هيوجعك بس شوية شوية هتتعودى
المهم تمشى فى اتجاه واحد عكس الوبرة مش تدعكى احنا مش بنغسل السجادة دلوقتى بس بنضفها
الطريقة دى هتشيلك اى حاجة لازقة فى السجادة و الشعر كله هيطلع فى الفرشة معاكى اللى عمره ما بيطلع بالمكنسة والخل هيخلى لون السجادة ينور وهتبقى جميلة اوى ده غير الوبرة هتعلى عن الاول وهتحسى كانها مغسولة
كمان الداك او الديتول هيطهر السجادة وهيدى ريحة حلوة لو بتستعملى حاجة معطرة ومتخافيش ريحة الخل مش هتبان ووسط باقى الحاجة كمان ده مش مركز يعنى
بعد ما تخلصى بقى لو عايزة تحطيها فى البلكونة تتهوى شوية ماشى
مش هينفع افتحى عليها المروحة هى مش هتبقى مبلولة بس مندية بسيط اوى
صدقينى الطريقة دى هايلة وهتحافظ على نضافة السجادة ووقت غسيلها مش هتتعبى فيها زى كل مرة عشان مش هتبقى متوسخة اوى وهتنضف باقل مجهود ووقت
جربوها وادعولى

اه ملحوظة
واحدة صاحبتى قالتلى على السبرتو انا مجربتوش بس بتقول حلو وبيرجع الالوان جديدة
جربى تضيفيه مع باقى الحاجات دى وشوفى

تسلمى ياقمر
ربنا يبارك لكى فى حنين

شكرا لك ام حنين

هو يوم تنظيف السجاد يوم حافل ومرهق

على دعك وهدر ماء

طريقتك رائعة وجميلة

يعطيك العافية حبيبتي

hgdr

مشكوررة حبيبتى ام حنين

ده يوم غسيل السجاد ده يوم مرهق وباشيل همه

جزاكى الله خيرا ياغالية

drs