تحف روعه من شغل اديكِ؟؟؟؟؟

السلام عليكم ورحمة الله وبركاته

أخواتى الاحباء اسعد الله ايامك وبارك لكم فى كل اعمالكم الصالحه وجعلها فى ميزان حسناتكم .

انهارده انا جيبالكم موضوع جميل وبسيط جدا وان شاء الله يارب تستفيدو منه وهو من اختراعى ميه فى الميه من طق طق لسلام عليكم نظرا لانى من محبات الاعمال والاشغال اليدويه واصلا الفكره خطرت على بالى لما كنا بنعمل تصليحات فى المطبخ وغيرنا الارضيه والعمال كانو لما يروحوا بعد انتها اليوم كنت بلاحظ بقايا خلطة الاسمنت فى طبق العجن بتاعهم عامله شكل جميل البقايا يعنى المهم انا عجبنى الشكل العام وبدأت اجرب وعرفت منهم انها عباره عن اسمنت ابيض ورمله بيضاء ولما جربتها لقيتها حلوه بس تقيله شويه بسبب الاسمنت ففكرت انى اضيف الجبس شويه وجربت بقى مقدير مختلفه من الثلاث مكونات لغاية ماوصلت للمقادير المظبوطه من وجهة نظرى اسيبكم مع الموضوع ويارب افيدكم فيه

بسم الله الرحمن الرحيم

اولا المقادير :
تحف روعه من شغل اديكِ؟؟؟؟؟ 7f9c097975279a4d4a2216dd73f6c617_lm

زى ماشايفين عباره عن : اى اشكال او مجسمات زجاجيه برطمانات بأى احجام +فلوت اللى هو ورنيش + قواقع واصداف وخرز + اسبريه دهبى وفضى + تنر او تربنتينه + طبق + فرشاة +جليتر + ملعقه +ماء + كوب جبس + كوب رمل ابيض بتاع البحر + ونصف كوب اسمنت ابيض + وعاء لعجن المكونات انا اخدت زجاجة بيبسى وقصيتها عشان بعد الشغل حتترمى .

الطريقه :

اولا :

تحف روعه من شغل اديكِ؟؟؟؟؟ Bb83ccf488ba3030c593ac014803ab4c_lm

نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو

تحف روعه من شغل اديكِ؟؟؟؟؟ 3ce92dea0e4e66cf2278e9737b9379bb_lm

وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا

تحف روعه من شغل اديكِ؟؟؟؟؟ 554ad24da9740019fc37164999d4d912_lm

بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه

تحف روعه من شغل اديكِ؟؟؟؟؟ 7912e2a165230b0e427382c0d0f3af3d_lm

وبعد مايخلص او جنب من جوانب المجسم نبدأ بتوزيع الخرز او اللولى والقواقع بشكل عشوائى مع الضغط عشا يجف الخليط ويمسك كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى

تحف روعه من شغل اديكِ؟؟؟؟؟ 59eae6a1e92b821d88d448ddd694d00b_lm

وبعد مانخلص كل الشغل نسيبهم يجفو خااالص ممكن اربع او خمس ساعات معايا لحد هنا ودا الشكل النهائى بعد الخطوات اللى فاتت

تحف روعه من شغل اديكِ؟؟؟؟؟ 967ff5064af2c9d60fa03f5b56fbf75d_lm

نيجى بقى لخطوة الاسبريه وهى طبعا بالنسبه للالوان حسب اختيارك ممكن ازرق مع دهبى او فضى وممكن اخضر يعنى حسب ديكور البيت عندك والوانه بس انا اخترت دهبى وفضى عشان بيليقو مع كل الالوان وحنبدأ نرش الاسبريه على المجسم ممكن كله وممكن نخلى جزء الزجاج باين انه زجاج عشان بس يدى شوية فخامه للتحفه قال يعنى ههههههههههههههههههه

تحف روعه من شغل اديكِ؟؟؟؟؟ D3ada6c6f91416048d3bd66f70849757_lm

انا بدأت هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه اللى تعجبك وبعد ما تسيبى المجسمات تجف من الاسبريه تيجى الخطوه القبل الاخيره .......

تحف روعه من شغل اديكِ؟؟؟؟؟ A0a0b73edb1c83bda8919e1496824844_lm

وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه اللى جه عليه اثناء الرش

تحف روعه من شغل اديكِ؟؟؟؟؟ C6f30db1ba0e19fe196c4998b6815dbb_lm

حناخد الفرشاة والفلوت وندهن المجسم كله

تحف روعه من شغل اديكِ؟؟؟؟؟ F076cbf186e1d0c8a57686ba3304f712_lm

وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرطو حسب رغبتك ممكن تستغنى عنه اصلا كل الخطوات دى منى مش حاجه اساسيه يعنى

تحف روعه من شغل اديكِ؟؟؟؟؟ C7609583d5457a7dd5578447adeb35a6_lm

ودا بقى شكل العمل بعد الانتهاء حسيبكم مع الصور بس احب اعلق على الطبق هو مقسم من الداخل 3 اقسام ممكن ينفع بونبونيره بس انا عملته فواحه وحطيتله ورد مجفف بزيت عطرى من باب التغيير يعنى

تحف روعه من شغل اديكِ؟؟؟؟؟ E6911ecfaeee1f2cf560e4664b5bb3fe_lm

ودا كان العمل من طق طق لسلام عليكم يارب شرحى يكون واضح واكون وصلتلكم الموضوع بحذافيره وتستفيدو منه ودعواتكم لى ولكل المسلمين والمسلمات

رووووووعه ماشاء الله عليكي
3333333333

» غرف نوم للمساحات الصغيره روعه،ديكور منازل2010،غرف نوم روعه
» صورررررررررررررررر تواقيع روعه
» يارب يارحمن روعه ...