بلدى حبيبتى
لقطه
بلدى حبيبتى
الى يزهق مالبلادى يبقى وصمت عار عليها
حتى لو تعبانه تعبت يبقى مين ياخد اديها
لو ضميرنا معاها راح مستحيل نصعب عليها
لازم الضمير يرجـع ومـن تـانـى نـحـب فيـهـا
هى بذرة حب كافيا تنسيها الهم الى فيها
حب نيلها واهلها حب شمسهـا نـخـلـهـا
بعد تعبك اكيد سعتها هتترمى فى حضنها
بس لو متعبتش اوعى تلعن فى يوم ارضها
العيب فى دمك والهم همك مش فى بذرة شعبها
وحتى لو رجعت ورا فا بكسلك رجعتها
حب بلدك ده كفايا نيلها الى رواك فى حضنها
واعرف ان العجز فينا مش فى طعم زرعها
من كام مليون سنه كان فى حضاره ومن وقتها
لسه بنذاكر علومهم ناس اخلصت فى حبها
يعنى مش عيب البلد والتاريخ يشهدلها
العيب فينا ومش هتعلى الا لمه نحبها