غفرانك ربى مشرفه المنتدى الاسلامى
الجنس : عدد المساهمات : 2905 نقاط : 6908 نقاط التميز : 54 تاريخ التسجيل : 03/11/2009 العمل/الترفيه : اللهم اعنى على ذكره وشكره وحسن عبادته المزاج : الحمد لله الذى بنعمته تتم الصالحات اوسمه العضوة :
| موضوع: بلح الشام من مطبخ ميمى السبت أكتوبر 22, 2011 8:54 pm | |
| بلح الشام من مطبخ ميمى
google_protectAndRun("render_ads.js::google_render_ad", google_handleError, google_render_ad); بلح الشام من مطبخ ميمى
إزيكم يا أحلى صحبه نت وأحلى عضوات فى أحلى منتدى دة بقى أول موضوع ليا فى قسم الحلويات يعنى عايزة تصفيق حاد مبدئيا ومش بس كدة كمان أول مرة فى حياتى المعمليه الفذة أعمل بلح الشام وطلع واااو أحلى من بتاع المحلات مقرمش من برة وطرى ولذيذ من جوة يعنى عايزة تصفيق حاد كمان .. طبعا ما فيش حاجة بالساهل
المكونات: دى المقادير اللى بيشتغل فيها الشيف حسن عشان نكون فى المضمون اه الشيف حسن الى انا بشتغل معه ربع لتر ميه حوالى مج كبير مئة جرام زيت ما يعادل نصف مج زيت مئتين جرام دقيق ما يعادل مج ونصف مج دقيق عليه ذرة ملح تلات بيضات كبار كيسين فانيليا والكميه دى تكفى وتزيد أسرة مكونه من خمس أشخاص
الطريقه : * فى حله تيفال أحط الميه عالزيت وأسخنهم عالنار * وعند الغليان أبعدهم عالنار وأحط الدقيق كله مرة واحدة وبعدين ألم الدقيق بالميه عالنار وأطفى على طول حتعمل عجينه
وطبعا العجينه بتكون سخنه أستخدم العجانه وآخدها عالعجانه وأشغلها شويه ومن خلال إستخدام العجانه العجينه حتكون بردت شويه ولما اتأكدت إن درجة حرارة العجينه هديت خالص وإبتدى أنزل بالبيض واحدة واحدة يعنى واحدة وأشغل العجانه
وبعدين لما العجينه تستوعبها أنزل بالتانيه وبعدين أحط الفانيليا مع آخر بيضه بس هى عجينه طريه سهله التشكيل شبه عجينه البتيفور بس أطرى شويه ودلوقتى بقت العجينه فى درجة حرارة الغرفه وبعدين ولعت على الزيت وطبعا الزيت بيكون غزير و النار بتكون واطيه خالص و نزلت ببلح الشام وما استنتش إن الزيت يسخن وبما إن الزيت ماكانش سخن جامد فهبط بلح الشام فى القاع وبعدين انتفخ مع الحرارة وطفا على وش الزيت وفضلت النار واطيه و ما حاولتش أقلبه خالص لحد أما إبتدى يتلون إبتديت أقلبه والنار واطيه برضه
ممكن فى الوقت دة أعلى النار شويه ودة اللون اللى بحبه دهبى غامق عشان أضمن بيه القرمشه اللى أنا بحبها ] وبعدين حطيته عالعسل وبعدت الطاسه عالنار علشان الزيت يهدا إستعدادا للمقدار التالى غمرتها فى العسل واحدة واحدة وبعدين حطتها على مصفاه عشان أصفى العسل
بالنسبه للطاسه اللى بعدها حبيت إن الزيت برضه ما يكونش سخن جامد زى بدايه المرة اللى فاتت والطاسه كانت بعيدة عن النار ابتديت أقطع العجينه وأرص فى الصينيه لحد ماإستوعبت المقدار بتاعى ورحت رداها مرة تانيه على النار وكررت الخطوات السابقه برضه والنار واطيه ودى الصورة النهائيه للطبق بتاعى
عايزة أعرف الآراء | |
|